Awrupa Berlegennän Ukrainağa häm Gruziyağa iminlek yärdäme

Awrupa Berlege Şurasınnan yasalğan yazma belderügä kürä, Ukraina belän ber rättän Gruziya, Moldova häm Maligä dä kürsäteläçäk yärdäm, şuşı illärdä xärbi küätne häm saqlanunı nığıtıp, tınıçlıqnı yaqlawnı maqsat itä.

Ukrainağa bigräk tä aşığıç xällärdä qullanılaçaq qır xastaxanäläre, logistik berämleklär kebek xärbi mediśina caylanmalarınıñ finanslanuı öçen 31 million yevro külämendäge yärdäm 36 ay êçendä citkereläçäk.

Gruziyağa şuşı uq maqsattan çığıp häm şuşı uq waqıt êçendä 12 million 750 meñ yevro, Moldovağa 7 million yevro külämendä yärdäm kürsäteläçäk.

Maligä isä 30 ay êçendä 24 million yevrolıq yärdäm xäzerge waqıtta ildä êşçänlek alıp baruçı Awrupa Berlege mäğarif missiyası qısalarında bireläçäk.