Ğıyraqta tağın 6 keşe ülde

Kiçä Bağdadtağı rizasızlıq çaralarında tağın 6 keşeneñ ğomere özelde. Tiran häm Xıllani mäydannarında cıyılğan xalıqqa poliśiyäneñ qarşılıq kürsätüe şundıy näticägä kiterde.  

İminlek köçläre rizasızlıq çarasında qatnaşuçılarnı küz yäşen çığaruçı gaz bombası atıp taratırğa mataştı. İke mäydanda da xalıq äçe gazdan qaçu öçen uramnarğa yögerde. Qaywaqıt alar poliśiyä belän bäreleşkä kerde.

Demonstratlarnıñ qal’gäse Taxrir mäydanında äle çaralar däwam itä.

Ğıyraqta rişwätçelek, êşsezlek häm däwlät xezmätläreneñ cirenä citkerelmäwenä rizasızlar 1nçe oktyabr’dän birle protest çaraları uzdıra.  

BMO häm Ğıyraq bäysez keşe xoquqları yuğarı komissarlığı mäğ’lümatlarına qarağanda, rizasızlıq çaralarınıñ başınnan birle 280nän artıq keşe iminlek köçläreneñ tıqşınuı arqasında hälaq buldı, meñnärçä keşe yaralandı.