Buteflika çigende

Aljir ilbaşı Abdulaziz Buteflika däwlät başlığı saylawlarınıñ kiçekterelüen häm 5nçe çor öçen kandidatlığın kire aluın belderde. Räsmi çığanaqlardan alınğan mäğ’lümatlarğa qarağanda, ul Äxmät Uyax’ya räislegendäge xökümätne dä tarqattı.

Abdulaziz Buteflika Aljirda 1999nçı yılda idarägä kilde häm 4 çor il başında tordı. 82 yäş’lek säyäsätçe, sälamätlege qaqşağan buluğa qaramastan, 18nçe aprel’dä bulaçaq ilbaşı saylawlarına üzen kandidat itep çığarğan ide. Bu ildä rizasızlıq çaralarına säbäp buldı.