Cirgä yaqın ber planetada yäşärgä mömkin
Tikşerenülär Proksima Śentavra b planetasında yäşäw öçen uñay şartlar buluın açıqladı
Qoyaş sisteması tışında Cir şarına iñ yaqın planeta Proksima Śentavra b yäşäw öçen uñaylı şartlarğa iyä bulırğa mömkin. Älege kük ciseme 2016nçı yılda açılğan ide.
LayvSkins internet säxifäse xäbärenä qarağanda, belgeçlär planetanı tikşergändä cirdä klimat üzgäreşlären açıqlağanda qullanıluçı komp’yuter programması belän êş itkän. Alar Proksima Śentavra bda törle şartlar astında küp miq’darda sıyıqlıq xälendäge su tabarğa mömkin, kük cisemendä canlı organizmnar yäşi ala digän näticägä kilde.
Ğalimnär gigant kontinentlar, neçkä atmosferalar, törle atmosfera komponentları häm okeandağı toz miq’darında üzgäreşlär şikelle küp kenä faktornı kertep 18 törle sśenariynıñ imitaśiyäsen yasadı. Här model belän êşlägändä Proksima Śentavra bnıñ öslegeneñ qayber öleşlären qaplağan açıq okeanğa iyä buluı näticäse çıqtı.
NASAnıñ Goddard ğaläm tikşerenüläre institutınnan ğalim Êntoni Del Genio beldergänçä, simulyaśiyälär älege planetada yäşäw mömkinlegeneñ yuğarı ikänen kürsätkän.
Proksima Śentavra bnıñ kärlä yoldızı Proksima Śentavra Qoyaştan 4,2 yaqtılıq yılı yıraqlığında. Planeta belän yoldız arasındağı yıraqlıqnıñ yäşäw öçen uñay buluı açıqlandı.
