İspannar Êstoniyägä raketa attı

İspaniya hawa quätläreneñ ber awçı oçqıçı Êstoniyanıñ kön’yağında oçqan waqıtta yalğış raketa cibärde. Êstoniya saqlanu köçläre beldergänçä, raketanıñ oçış orbitası, töşäçäk cire häm xäle turındağı mäğ’lümatlar açıqlanğan. “Hawadan hawağa” dip yörtelüçe raketa tibınıñ üz-üzen yuqqa çığaru rejimı aktiv, anıñ yärdämendä yalğış cibärelgän raketa hawada şartlatıla,” - diyelä êstonnarnıñ belderüendä. Şulay da snaryadnıñ cirgä töşü mömkinlege dä bar.

Xata ispannarnıñ Otepaa şähäre yanında öyränü oçışları waqıtında kilep çığa. Êstoniya hawa quätläre komandirı wäkile Reyve Valge beldergänçä, älege ilneñ kük yözendä täwge tapqır mondıy waqıyğa bulğan. Ul monıñ başqa cirlärdä dä bik siräk oçrawın äytä.  “Raketa diñgez östennän 6 meñ metr biyeklektä oçırıldı. Üzen yuqqa çığaru mexanizmınıñ qaysısı ikäne bilgele tügel. “Hawadan hawağa” raketalarnıñ köçe bombalar belän çağıştırğanda bik az,”-di xärbi komandir. Êstoniyanıñ kön’yağında yäşäwçelärgä şikle cihaz oçratsalar, ana qağılmasqa häm räsmi organnarga xäbär itärgä kiräklege äytelgän.