Tösle häm 3 ülçämle rentgen
Yaña ısul yaman şeşlärneñ zurlığın häm urının tögäl bilgelärgä yärdäm itä
1012013
Yaña Zelandiyädäge ğalimnär tösle häm 3 ülçämle rentgennı täwge tapqır keşedä sınadı.
Phys.org. internet säxifäsendä yazılğança, surät töşerü texnologiyäsenä Awrupa atom-töş tikşerenü üzäge fizika laboratoriyäse dä öleş kertte.
Ul ğadäti aqlı-qaralı rentgenğa nigezlängän häm tözeleşendä kisäkçeklär küzätü texnologiyäse bar. Yaña ısul diagnoz quyu tarmağında alğa kiteşkä säbäp bulır dip ömetlänälär. Çönki surätlär tağın da tögäl häm açıq çığa. Rentgen söyäk, muskul häm kimerçäk arasındağı ayırmanı kürsätä. Şul uq waqıtta yaman şeşlärneñ zurlığın häm urının tögäl bilgelärgä yärdäm itä. Caylanmanı “Medipiks” dip atadılar.
