Rusiyä – Misır oçqıç säfärläre yañadan başlandı

Rusiyäneñ Misırğa oçışlarnı tıyuı beterelde häm berençe säfär tormışqa aşırıldı. Xalıqara Kahirä aêroportı wäkillärennän alınğan mäğ’lümatlarğa qarağanda, Mäskäwneñ Şeremet’yevo aêroportınnan kütärelgän Rusiyä hawa yulları şirkäte Aêroflotnıñ oçqıçı Misırğa barıp citkän. Anda yaqınça 120 yulçı bulğan. Bügen Kahirädän Mäskäwgä dä täwge oçış buluı kötelä. İke arada atnağa 6 oçqıç säfäre yasaluı planlaştırıla.

Rusiyädän Misırğa oçışlar 2015nçe yılnıñ 31nçe oktyabrennän soñ beterelde. Ul waqıtta rus yulçı oçqıçı şartlap cirgä kilep töşte.

2017nçe yılnıñ dekabrendä Misır grajdanlıq aviaśiyası ministrı Şärif Fätxi belän Rusiyä transport ministrı Maksim Sokolov arasında oçışlarnı yañadan başlaw xaqındağı kileşü imzalandı.