Keniyadä su basu afäte

Keniyadä aprel’ urtasınnan bügengä qadär köçle yawım-töşemnär küzätelä.

Afätlärdä ülüçelär sanı 277gä kütärelde.

Xökümät süzçese İsaak Mvaura su basularda ğomeren yuğaltuçılar sanınıñ 277 buluın, naçar hawa şartları arqasında 411 meñ keşeneñ zıyan kürüen häm 56 meñ ğailäneñ dä öylären taşlap kitärgä mäcbür qaluın belderde.

Mvaura beldergänçä ildä 62 sälamätlek saqlaw üzägenä zarar kilgän, kizülär başlanğan, 53 xolera oçrağı kürelgän.

Su basulardan Keniyadä 9 meñ gektar igen-basu zıyan kürgän, 4 meñ terlek tä yuqqa çıqqan.

Xökümät afätlärdä zarar kürüçelär öçen 167 şähärçek qorğan.

Könçığış Afrika illärennän Tanzaniya, Somali, Burundi häm Kongo Demokratik Cömhüriyätendä dä köçle yawım-töşemnär kiterep çığarğan su basular küzätelä.