Tağın 4 il rus diplomatların çığarırğa cıyına
Pol’şa, Litva, Latviya häm Êstoniya tışqı êşlär ministrlıqları Rusiyä ilçelären çaqırdı
937882
Pol’şa, Litva, Latviya häm Êstoniya tışqı êşlär ministrlıqları Rusiyä ilçelären çaqırdı. Bu çaqırunıñ säbäpläre häm söyläşü teması belderelmäde.
Ämma şunısı bilgele: Angliya artınnan bu 4 däwlät tä rus diplomatların çığarırğa uylıy. Rusiyäneñ Pol’şadağı ilçese Sergey Andreyev Varşavanıñ qararın xäbär itte. Rus diplomatların ildän çığaru köne älegä bilgele tügel. Oxşaş xäbärlär Litva, Latviya häm Êstoniya ilçeleklärennän dä kilde.
Angliya êlekkege rus agentı Sergey Skripal’ häm qızınıñ ağulanuında Mäskäwne ğayepläde häm 23 rus diplomatın ildän çığardı. Uzğan atnada Brüssel’dä Awrupa Berlege sammitında liderlar Angliyanı yaqladı.