Galaktika tışında yaña planetalar açıldı
“Xäzer bu planetalarnı centekläp tikşerergä, barlıqların kürsätergä häm xätta awırlıqları xaqında mäğlümat alırğa mömkin”,-di belgeçlär
904893
Astrofiziklar berençe tapqır bezneñ galaktikanıñ tışında yaña planetalar açtı.
NASA ğalimnäre “Çandra” yasalma iyärçenenen observatoriyäsendä tögäl linzalar texnologiyäsen qullanıp galaktika tışında ber törkem planeta barlığın kürgännär. Alar cir şarına 3,8 milliard yaqtılıq yılı yıraqlığında häm zurlıqları Ay belän Yupiter şikelle törle.
Astrofiziklar tögäl linzalar analizınıñ niqadär ähämiyätle buluın assızıqlıy. Çönki bu qadär yıraqlıqtağı kosmik cisemnärne başqaça öyränü mömkin bulmas ide. “Xäzer bu planetalarnı centekläp tikşerergä, barlıqların kürsätergä häm xätta awırlıqları xaqında mäğlümat alırğa mömkin”,-di belgeçlär.
