Министр Фидан Пәкістан-Иран шиеленісі туралы мәлімдеді
Фидан: «Пәкістан мен Иран арасындағы шиеленістің ушығып кетпеуін қалаймыз» деді.
Сыртқы істер министрі Хакан Фидан «Пәкістан мен Иран арасындағы шиеленістің ушығып кетпеуін қалаймыз және осы мәселеде өз үлесімізді қосуға дайынбыз» деді.
Ресми іс-сапармен Иорданияға барған Хакан Фидан бас қала Амманда Сыртқы істер министрі Айман Сафадимен ортақ баспасөз мәслихатын өткізді.
Пәкістандық мен ирандық әріптестері Жалил Аббас Джилани және Хусейн Әмір Абдуллахиянмен аймақтағы оқиғаларға қатысты телефон арқылы сөйлескенін білдірген Фидан аймақта жаңа мәселелер болмау керектігіне назар аударып, екі тарапты сабыр сақтауға шақырды.
Джилани мен Абдуллахиян кездесуінде шиеленістің ушығуын өздерінің де қаламағанын атап айтқан Сыртқы істер министрі «Пәкістан мен Иран арасындағы шиеленістің ушығып кетпеуін қалаймыз және осы мәселеде өз үлесімізді қосуға дайынбыз» деді.
Иранның Пәкістандағы кейбір нысандарға кеше таңертеңгі уақытта жасаған шабуылдарына жауап ретінде Пәкістанның Иран ішіндегі нысандарға жасаған әуе шабуылдарымен екі ел арасындағы шиеленіс ушыға түскен болатын.
