Қазақстан өз азаматтарын Газадан эвакуациялауда

Газа секторынан қазақстандықтарды эвакуациялау жұмысы басталды. Қазақстанның Сыртқы істер министрлігінің мәлімдемесіне сәйкес, кеше 44 азаматтан тұратын алғашқы топ эвакуацияланды.

Мысырдың Рафах бақылау-өткізу пункті арқылы барлығы 594 адам, оның ішінде 44 Қазақстан азаматы эвакуацияланды. Қазақстандықтар бақылау-өткізу бекетінен өткеннен кейін құрлық арқылы Каирге жеткізілді.

Газа секторы шекара қақпасының бас кеңсесінің парақшасында Рафах бақылау-өткізу бекетінен шетел азаматтарының эвакуацияланатыны туралы ақпарат та болды. Мәлімдемеге сәйкес 120-дан астам Қазақстан азаматы мен олардың отбасы мүшелеріне Мысыр арқылы Газа секторынан шығуға рұқсат етілді.

Қазақстанның Сыртқы істер министрі Мұрат Нұртілеу Қазақстан өз азаматтарының бақылау-өткізу бекетінен өтуіне рұқсат етілген бойда елге тез оралуы үшін шаралар қабылдап жатқанын айтты. Министр бұған дейін Мысырды Газа секторынан азаматтарды сөзсіз эвакуациялауға рұқсат беруге шақырған болатын.