Биыл Қазақстан өз астанасының 25 жылдығын тойлап отыр

Қазақстанда Астананың бауырлас қалаларының форумы өтті.

Қазақстан астанасының 25 жылдығы аясында өткен форумға Қазақстан Президенті Қасым-Жомарт Тоқаев төрағалық етті.

Тоқаев форумда сөйлеген сөзінде Астана әрбір азамат өз әлеуетін іске асыра алатын, өз идеялары мен армандарын жүзеге асыра алатын зор мүмкіндіктер қаласы екенін атап өтті.

Форумда қала дамуының өзекті мәселелері және олардың өсу мен инновацияның негізгі орталықтары ретіндегі заманауи жаһандық әлемдегі рөлі талқыланды.

Форум аясында «Қалалардың цифрлық трансформациясы: инновациялық жобалар, бағдарламалар және технологиялар», «Қалаларға инвестициялау экономикалық өсудің негізгі драйвері ретінде», «Болашаққа бағдарланған қала құрылысы», «Әлемдік медициналық туристік нарық», «Астана сауықтыру туризм картасында» атты отырыстар болды.

Халықаралық сессиялар бауырлас қалалардың әкімдері, әлемдік іскер әлем көшбасшылары, қаржы институттары, ғалымдар, үкіметтік емес және халықаралық ұйымдар, жергілікті және шетелдік БАҚ өкілдерінің қатысуымен өтті.

Форумға Түркия, АҚШ, Англия, Германия, Италия, Израиль, Польша, Ресей, Қырғызстан, Өзбекстан, Жапония, Әзербайжан, Оңтүстік Корея сияқты 15 елден 1000-нан астам сарапшы қатысты.

Форум аясында бірқатар халықаралық келісімдерге қол қойылды.