Страсбургте «Түріктердің 100 жылы» атты көрме ашылды

Түркияның Страсбургтегі Бас консулдығы және Париж Юнус Эмре институты Түркия Республикасының құрылғанына 100 жыл толуына орай «Түріктердің 100 жылы» атты фотосурет көрмесін ашты.

Францияда Түркияның Страсбургтегі Бас консулдығы және Париж Юнус Эмре институты Түркия Республикасының 100 жылдығы аясында мерекелік шаралар ұйымдастырды.

Осы аяда Страсбург Бас консулдығы 2 күн бойы Мехмет Асланның жетекшілігімен «Түріктердің 100 жылы» атты фотосурет көрмесін өткізуде.

Париж Юнус Эмре институты директоры Селин Айдын 50 фотосуреттен тұратын бұл көрмемен Түркияның бай мәдени мұрасы мен табиғи сұлулығын бүкіл әлемге танытуды мақсат еткендерін білдірді.

Селин Айдын көрмеге Түркияның әртүрлі ерекшеліктері мен сәттерін өзіндік көркемдік көзқарастарымен бейнелейтін 25 түрік фотограф өнерпазының бірегей туындылары қойылғанын атап өтті.

Айдын бұл фотосуреттердің Түркияның түрлі-түсті тарихын, таңғажайып пейзаждарын, дәстүрлі мәдениеттерін және қазіргі өмірін баяндайтын қызықты оқиға екенін атап көрсетті.

Көрме сонымен қатар 3-5 қараша аралығында Страсбургте өтетін «Түркия залы» жәрмеңкесінде көрмеге қойылады.

Страсбург Бас консулдығында Түркия Республикасының 100 жылдығына орай нейші Пелин Башар мен пианист Гүрай Башол концерт берді.

Консулдықта өткен семинарда түріктердің өнері, мәдениеті мен гастрономиясы насихатталып, дәстүрлі түрік өнерінен көрме ұйымдастырылды.