Израиль: "АҚШ гуманитарлық дәліз ашуға тырысуда"

Америка Құрама Штаттарының (АҚШ) палестиналықтар мен АҚШ азаматтарын Газа секторынан эвакуациялау жұмыстарын жүзеге асыру мақсатты гуманитарлық бір дәліз ашу үшін басқа елдермен келіссөздер жүргізгені білдірілді.

Израиль мемлекеттік телеарнасы «KAN» Вашингтон әкімшілігінің соңғы 24 сағатта палестиналықтар мен АҚШ азаматтығы бар адамдарды Газа секторынан эвакуациялау үшін басқа елдермен келісе отырып, Мысыр арқылы гуманитарлық дәліз ашуға дайындық жасағанын хабарлады.

Бұл дайындықтар Израильдің Газа секторында құрлық операциясын бастайды деген болжамның артынан пайда болды.

Хабарда палестиналықтарға Газа секторынан кімдерді эвакуациялауға рұқсат берілетіні немесе Мысырдан кейін қайда қоныстанатыны туралы толық ақпарат қамтылмаған.

АҚШ-тың Израильдегі елшілік қызметкері «KAN»-ға жасаған мәлімдемесінде «Мысырлықтар атынан сөйлей алмайтынын, бірақ олардың бұған рұқсат беретініне сенімді екенін» атап көрсетті.

Екінші жағынан Біріккен Ұлттар Ұйымы (БҰҰ) Гуманитарлық істерді үйлестіру басқармасы (OCHA) Израильдің әуе шабуылынан кейін аймақтағы гуманитарлық жағдайға байланысты жазбаша мәлімдеме жасады. Мәлімдемеде «Газада 263 мың 934-тен астам адамның үйлерін тастап кеткені болжануда» делінді.