Сомалиде ашаршылық

Биылдың соңына қарай Сомалидің кейбір аймақтарында ашаршылық болуы мүмкін.

Біріккен Ұлттар Ұйымы (БҰҰ) Бас хатшысының гуманитарлық мәселелер жөніндегі көмекшісі және төтенше көмек үйлестірушісі Мартин Гриффитс Шығыс Африка елі Сомалидегі азық-түлік мәселесіне назар аударды. Гриффитс осы жылдың соңына дейін Сомалидің кейбір аймақтарында ашаршылық болуы мүмкін екенін мәлімдеді.

Азық-түлік мәселесі мен ашаршылықтың әсіресе елдің оңтүстігіндегі шығанақ аймағына кері әсер етуі мүмкін екенін атап көрсеткен Гриффитс «Ашаршылық есік алдында» деді.

Гриффитс 24 ақпанда Украина-Ресей соғысының басталуы азық-түлік мәселесі мен ашаршылықтың өршуіне себеп болғанын айтты. Азық-түлік және ауыл шаруашылығы ұйымының мәліметі бойынша, Сомалидің 80 пайызы қатты құрғақшылықпен күресуде.

Сомали үкіметі құрғақшылықтың күшеюіне байланысты 23 қарашада елде «төтенше жағдай» жариялаған болатын.

Дүниежүзілік денсаулық сақтау ұйымы (ДДСҰ) Сомалидегі гуманитарлық дағдарыс үшін халықаралық қауымдастықты шұғыл көмек көрсетуге шақырған еді.