Түркия-Ирак арасындағы «Даму жолы» жобасы

Америка Құрама Штаттары Түркия мен Ирак арасындағы «Даму жолы» жобасы келіссөздерінен кейін Бағдад экономикасын әртараптандыру талпыныстарын қолдайтынын мәлімдеді.

АҚШ Мемлекеттік департаментінің баспасөз хатшысы «Даму жолы» жобасы аясында Түркия, Ирак, Катар және Біріккен Араб Әмірліктері (БАӘ) арасында қол қойылған түсіністік меморандумына қатысты баға берді.

Ирактың АҚШ-Ирак жоғары үйлестіру комитеті отырысында «Даму жолы» жобасының жоспарларын олармен бөліскенін білдірген баспасөз хатшысы «Ирак экономикасын әртараптандыру және аймақтық интеграцияны ынталандыратын барлық күш-жігерді қолдаймыз» деді.

Президент Режеп Тайып Ердоған 22 сәуір күні Бағдад үкімет сарайында Ирак премьер-министрі Мұхаммед Шиа әл-Суданимен кездесті. Тараптар 26 ынтымақтастық келісіміне қол қойды.

Кездесуде Ирак, Түркия, Катар және БАӘ арасында «Даму жолы» жобасындағы ынтымақтастық туралы төртжақты өзара түсіністік туралы меморандум қабылданды.

«Даму жолы» жобасы Ирактың оңтүстігіндегі Басра қаласындағы Ұлы Фав портынан басталып, Дивание, Наджаф, Кербала, Бағдад және Мосулдан өтіп, Түркия шекарасына дейін созылатын теміржол және автомобиль жолдарын қамтиды.

«Даму жолы» жобасымен Түркия шекарасынан Мерсин портына шығуды қамтамасыз ету және құрлық арқылы Стамбул арқылы Еуропаға жету қарастырылған.

Порттан Түркия шекарасына жететін «Даму жолы» жобасы Қытайдың Жібек жолының  Ирак арқылы тікелей өтпейтіндіктен, ықтимал аймақтық қақтығыс пен соғыс жағдайында балама нұсқалардың бірі болып табылады.

«Даму жолы» жобасы  Суэц каналы арқылы өтетін теңіз жолымен салыстырғанда Қытай мен Еуропа арасындағы қашықтықты қысқартып, уақыт пен шығындарды үнемдейді деп күтілуде.