Түркиядан 112 елге 11 миллиард долларлық жеңіл көлік экспортталды

Улудаг автомобиль өнеркәсібі экспорттаушылар қауымдастығының деректеріне қарағанда, өткен жылы экспортын 2022 жылға қарағанда 13 пайызға арттырып, 35 миллиард долларлық рекордқа жеткен автомобиль өнеркәсібі жеңіл көліктерде де айтарлықтай серпінге қол жеткізді.

2022 жылы 9 миллиард 264 миллион 786 мың доллар болған сектордың жеңіл көлік экспорты көлемі 2023 жылы 19,40 пайызға артып, 11 миллиард 62 миллион 802 мың долларға жетті.

Ең көп жеңіл көлік сатылған 10 елдің 8-і Еуропа елдері болды.

Автокөлік өндірушілері жалпы экспорттың жартысынан көбі Франция, Италия, Испания және Ұлыбританияға жасалды.

Негізгі экспорт нарығы Францияға жеңіл көлік экспорты 2022 жылға қарағанда 41,29 пайызға артып, 1 миллиард 517 миллион 960 мың доллардан 2 миллиард 144 миллион 860 мың долларға өсті.

Өндірушілер Италияға экспортын 28,42 пайызға арттырып, 898 миллион 803 мың доллардан 1 миллиард 154 миллион 329 мың долларға жеткізді.

2022 жылы экспорты 818 миллион 708 мың доллар болған Испанияға өткен жылы экспорт 39,50 пайыз өсіммен 1 миллиард 142 миллион 98 мың доллар болып тіркелді.

Алдыңғы жылы 1 миллиард 63 миллион 753 мың доллар болған Ұлыбританияға экспорт 2023 жылы 5,76 пайыз өсіммен 1 миллиард 125 миллион 43 мың долларға жетті.

Түркиядан Алжирге жолаушылар көлігінің саудасы өткен жылы 66 есе артып, 4 миллион 200 мың доллардан 278 миллион 207 мың долларға жетті.

2022 жылы 2 миллион 62 мың долларлық экспортпен Ливияға экспорттың өткен жылы 20 еседен астам артып, 43 миллион 83 мың долларға жеткені байқалды.