«Коста Венеция» кемесі Бодрумға келді

Италияның жалауы бар «Коста Венеция» круиздік кемесі Мугланың Бодрум қаласына келді.

Измир кемежайынан шығып, Бодрумға келген 323 метрлік алып круиздік кеме Бодрум круиз кемежайына келіп тоқтады.

Кемеде 1712 жолаушы мен 111 экипаж болғаны, олардың көпшілігі итальяндық, испандық, француз және неміс азаматтары екені білдірілді.

Кедендік тіркеу жұмыстарынан кейін кемеден шыққан жолаушылар Пашатарласы мен Кумбахче жағажайларында және Жумхуриет көшесінде серуендеп, сауда жасады.

Кейбір туристер ауданның тарихи жерлерін тамашалау үшін турларға қосылды.