Еуразия күн тәртібі 70
Еуразия Республикаларының күн тәртібіндегі оқиғалар.
2023 жылдың 18 желтоқсанында Владимир Путин Ресей Федерациясының Орталық сайлау комиссиясына кандидаттыққа қажетті құжаттарды өзі тапсырды. Бұл жолы Путин президенттік сайлауға тәуелсіз кандидат ретінде қатысады. Енді бір жағынан, Ресей Федерациясының Коммунистік партиясы 75 жастағы Николай Харитоновтың кандидатурасын ұсынды. Харитонов 20 жыл бұрын кандидат болып, Владимир Путинге қарсы сайлауда жеңіліп қалған еді.
***
Қазақстанның бұрынғы президенті Нұрсұлтан Назарбаев 2023 жылы 18 желтоқсанда Мәскеуге барып, Владимир Путинмен кездескені БАҚ-та жарияланған болатын. 1 желтоқсанда өз естелігін жариялаған және 12 желтоқсанда Астана клубының отырысында сөз сөйлеген Нұрсұлтан Назарбаев соңғы кездері жұртшылық алдына шыға бастады.
***
2023 жылғы 18 желтоқсанда Мәскеуде Тәуелсіз Мемлекеттер Достастығына мүше мемлекеттердің Үкімет басшыларының кездесуі өтті. Кездесу соңында бірқатар келісімдерге қол қойылды. Самарқанд қаласы 2024 жылы Тәуелсіз Мемлекеттер Достастығы елдерінің мәдени орталығы болып жарияланды. Үкімет басшылары «Ресей» халықаралық жәрмеңкесін аралады.
***
2023 жылы 18 желтоқсанда Түркия Президенті Режеп Тайып Ердоған ресми сапармен Венгрияға барды. Президент Ердоғанды Будапештте Венгрия Президенті Каталин Новак ресми түрде қарсы алды. Президент Ердоған Венгрия Президенті Каталин Новак және Венгрия премьер-министрі Виктор Орбанмен кездесіп, Түркия-Венгрия Жоғары деңгейдегі стратегиялық ынтымақтастық кеңесінің алтыншы отырысына қатысты. Келіссөздер нәтижесінде Түркия мен Венгрия арасында 17 келісімге қол қойылды. Сапар аясында президенттердің қатысуымен 2024 Түркия-Венгрия мәдениет жылының ашылу салтанаты өтті.
***
2023 жылғы 19-20 желтоқсанда Түркия вице-президенті Джевдет Йылмаз Әзербайжанға ресми сапармен барды. Вице-президент Джевдет Йылмаз Бакуде Әзербайжан Президенті Ильхам Әлиев, Ұлттық Мәжіліс төрайымы Сахиба Гафарова және премьер-министр Али Асадовпен кездесті. Вице-президент Йылмаз сонымен қатар Бакуде жұмыс әлемінің өкілдерімен де кездесті.
***
Катар әмірі шейх Тамим бин Хамед Әл Сани 2023 жылдың 19 желтоқсанында Өзбекстанға жұмыс сапарымен барды. Катар әмірін әуежайдан Өзбекстан Президенті Шавкат Мирзиеев жеке өзі қарсы алды. Екіжақты кездесулердің нәтижесінде екі ел арасындағы қарым-қатынастардың барысына қанағаттанушылық білдірілді. «Сыбайлас жемқорлыққа қарсы күрес» медалі президент Мирзиеевке табыс етілді.
***
2023 жылдың 22 желтоқсанында Грузия Мәжілісінің төрағасы Шалва Папуашвили Арменияға бейресми сапармен барды. Папуашвили Ереванда Армения Мәжілісі төрағасы Симонянмен кездесті.
***
Қазақстанда «Бақты--Аягөз» жаңа теміржол құрылысы басталды. 272 шақырымдық құрылыс 2027 жылы аяқталғанда Қазақстан Қытай Халық Республикасымен үшінші шекара қақпасын ашады. Қазақстан мен Қытай үшінші шекара қақпасын ашу арқылы жүк өткізу қабілетін 28 миллион тоннадан 48 миллион тоннаға дейін арттыруды көздеп отыр.
