თურქეთი იმედოვნებს, ისრაელი რაც შეიძლება მალე შეასრულებს გაეროს რეზოლუციას

თურქეთმა განაცხადა, რომ იმედოვნებს ისრაელი, რაც შეიძლება მალე შეასრულებს გაერთიანებული ერების ორგანიზაციის უშიშროების საბჭოს მიერ მიღებულ ღაზის შესახებ გადაწყვეტილების მოთხოვნებს.

საგარეო საქმეთა სამინისტროს პრესსპიკერმა ონჯუ ქეჩელმა წერილობით უპასუხა კითხვას ნომერ 2728 (2024) რეზოლუციაზე, რომელიც გაეროს უშიშროების საბჭომ გუშინ მიიღო და ღაზაში ცეცხლის დაუყოვნებლივ შეწყვეტისკენ მოუწოდებს.

სპიკერმა ქეჩელმა თქვა: "ჩვენ ვუყურებთ როგორც პოზიტიურ ნაბიჯს გაეროს უშიშროების საბჭოს გადაწყვეტილებას, რომელიც მოითხოვს ღაზაში ცეცხლის სასწრაფო შეწყვეტას რამადანის თვეში და ასევე ჰუმანიტარული დახმარების წვდომის უზრუნველყოფას. ჩვენ იმედი გვაქვს, რომ ისრაელი შეასრულებს ამ გადაწყვეტილების მოთხოვნებს რაც შეიძლება მალე“.

ქეჩელმა საერთაშორისო საზოგადოებას მოუწოდა, დაიკავონ საერთო პოზიცია ისრაელის წინააღმდეგ, რათა დასრულდეს ჰუმანიტარული კატასტროფა ღაზაში და მოხდეს ისრაელ-პალესტინის საკითხის საბოლოო გადაწყვეტა.

გაეროს უშიშროების საბჭოში გამართულ კენჭისყრაზე მიღებულ იქნა რეზოლუციის პროექტი ღაზაში „რამადანის დროს სასწრაფოდ ცეცხლის შეწყვეტის“ შესახებ, რომელიც გახდება მუდმივი და მდგრადი.

კენჭისყრაზე კანონპროექტი 14 დადებითი ხმით იქნა მიღებული, აშშ-მა კი თავი შეიკავა.