პრეზიდენტი ერდოღანი რუსეთს ეწვევა

თურქეთის პრეზიდენტი რეჯეფ თაიფ ერდოღანი უახლოეს მომავალში, მარცვლეულის კრიზისთან დაკავშირებით რუსეთის ქალაქ სოჭს ეწვევა. აღნიშნულის შესახებ, მმართველი სამართლიანობის და განვითარების პარტიის (AKP) პრესსპიკერმა ომერ ჩელიქმა პარტიის პოლიტსაბჭოს სხდომის შემდეგ გამართულ პრესკონფერენციაზე განაცხადა.

„ჩვენ ვაფასებთ, რომ ამ საკითხთან მიმართებაში ახალი მოვლენები იქნება და ახალი ნაბიჯები შეიძლება გადაიდგას“, განაცხადა ჩელიქმა.