თურქეთმა დაგმო ადენის გუბერნატორზე მომხდარი თავდასხმა

თურქეთმა იემენის ადენის გუბერნატორის აჰმედ ჰამედ ლამლასის კოლონაზე მომხდარი აფეთქება დაგმო და მწუხარება გამოთქვა.

საგარეო საქმეთა სამინისტროს წერილობით განცხადებაში ნათქვამია: ”ღრმა მწუხარებით შევიტყვეთ, რომ იემენის ადენის პროვინციაში დღეს (გუშინ) დაიღუპა და დაიჭრა მრავალი ადამიანი ადენის გუბერნატორის აჰმედ ჰამედ ლამლასის კოლონაზე განხორციელებული თავდასხმის შედეგად.”

"ჩვენ ვგმობთ ამ საშინელ თავდასხმას, სწრაფ გამოჯანმრთელებას ვუსურვებთ დაშავებულებს და თანაგრძნობას ვუცხადებთ იემენის მეგობარ და მოძმე ხალხს და მთავრობას." - ნათქვამია განცხადებაში.

იემენის ინფორმაციის მინისტრმა მუამარ ალ-ირიანმა, Twitter- ით გამოქვეყნებულ განცხადებაში აღნიშნა, რომ თავდასხმა განხორციელდა ადენის გუბერნატორის აჰმედ ჰამიდ ლამლასის კოლონაზე, რის შედეგადაც დაიღუპა 6 და დაშავდა 7 ადამიანი.

ადენის გუბერნატორმა ლამლასმა განაცხადა, რომ იგი კარგად არის.