Türkiye mətbuatı, 30 yanvar 2024

"Yenişafak": "Yerli mühəndislik və dizaynımızla bunu reallaşdırdıq"

Prezident Rəcəb Tayyib Ərdoğan İstanbul Hava Limanına gedən Kağıthane-Gayrettepe metro xəttinin açılış mərasimindəki çıxışında "İlk araşdırma layihəsindən metro xəttinin həyata keçirilməsinə qədər prosesləri öz yerli mühəndisliyimiz və dizaynımızla həyata keçirməkdən qürur duyuruq. Həyata keçirdiyimiz hər bir layihədə yerli və milli layihələrin payının artırılmasına diqqət yetirəcəyik” deyib. 

"Star": Hakan Fidan reaksiya göstərdi: "Ciddi bir fəlakətin xəbərçisi"

Xarici işlər naziri Hakan Fidan Qəzzada davam edən faciəyə diqqət çəkərək, “Minlərlə insanı güllə və bombalardan itirdiyimiz halda, indi Qəzzada İsrail tərəfindən girov saxlanılan milyonlarla fələstinlinin aclıq və qırğına məruz qalması təhlükəsi ilə qarşı-qarşıyayıq. Qəzzaya girməsinə icazə verilməyən humanitar yardım, tibbi vəsaitlər hazırda içəridə ciddi fəlakətin xəbərçisidir" deyib.

"Hürriyet": “Hədəf 40 milyon kubmetr hasilatdır”

Enerji və təbii sərvətlər naziri Alparslan Bayraktar Filyos Təbii Qaz emalı mərkəzində tədqiqat apararkən, "İstehsalımız 2,7 milyon kubmetrə çatdı. Bunu yaxın zamanda 10 milyon kubmetrə çatdırmağı, sonra isə gündə 40 milyon kubmetrə qədər çıxarmağı hədəfləyirik" deyib.

"Sabah": Xaricilərin "Türksat"a marağı artır

"Türksat" peyklərindən xidmət götürən xaricdə yerləşən kanalların sayı 3 ildə təxminən 69 faiz artaraq 83-dən 140-a yüksələrkən, 2023-cü ilin sonuna qədər kanalların ümumi sayı 523-ə çatıb. Bu yüksəlişdə xarici kanalların marağının artması diqqət çəkib.

"Habertürk": Dünyanın ən yaxşı 100 çimərliyinin siyahısı yayımlanıb

ABŞ-ın “Lonely Planet” turizm şirkəti “dünyanın ən yaxşı çimərlikləri”nin siyahısını hazırlayıb. Türkiyenin Muğla vilayətinin Fethiye rayonunda yerləşən Kabak körfəzi siyahıda öz yerini alıb.