Türkiyə mətbuatı, 05 fevral 2021
Yerli mətbuat və veriliş orqanlarında gündəmə dair dərc olunan xəbərlərin xülasəsi
“Yeni Şafak”: Prezident Ərdoğan Türkiyə universitetlərinin tələbə qəbulu sayı baxımından 10-cı sırada iştirak etdiyini bildirib.
Prezident Rəcəb Tayyib Ərdoğan Türkiyə universitetlərinin ən çox tələbə qəbul edən dünya ölkələri arasında 10-cı, Universitetə giriş baxımından isə Avropada ilk sırada iştirak etdiyini qeyd edib. Dünyanın qabaqcıl universitetlərindən dəyərli alimlərə məsafəli təhsil sayəsində Türkiyədə dərs vermələrinə imkan yaradılacağını vurğulayıb.
“Haber Türk” Xarici investorlar əmlak sektorundan imtina etmirlər
Türkiyədə əmlak satın alan xaricilərin 92,7%-i hər il təxminən üç ay Türkiyədə qalırlar. Əmlak alan investorların 50%-i isə ikinci bir əmlak satın alır. Aralarında Menecerlər, mühəndislər, iş adamları, həkimlər və təqaüdçülər olmaqla Türkiyədə əmlak satın almağı seçənlərin orta hesaba görə yaşı 50,6-dır.
“Star”: Xiaomi Türkiyədə istehsala başlayır
Dünyanın üçüncü ən böyük smartfon istehsalçısı Xiaomi, 2021-ci ilin ilk rübündə Türkiyədə 30 milyon dollarlıq sərmayə ilə smartfon istehsalına başlayacağını açıqladı. Şirkətin İstanbulda fəaliyyətə başlayacağı fabrik ilə Türkiyə Xiaomi telefon istehsal edilən dördüncü ölkə olacaq. Zavod ildə 5 milyon telefon istehsal edəcək.
“Sabah”: 5 ildən sonra qızıl istehsalının illik həcmi 100 tona çatacaq
Enerji və Təbii Qaynaqlar Naziri Fatih Dönməz Türkiyədə hər il 42 ton qızıl istehsal edildiyini, bunu 5 il ərzində illik 100 tona qaldıraraq ildə 100 ton qızıl istehsal edən ilk 10 ölkə arasına daxil olmağı planlaşdırdıqlarını bildirib.
“Vatan”: Türkiyənin uzaq mənzilli raketi “Atmaca” sınandı
Roketsan tərəfindən hazırlanan uzun mənzilli gəmi əleyhinə raket (Atmaca) Sinopda sınaqdan keçirildi. Sınaq atışlarını Hərbi Dəniz Qüvvələri Komandiri Admiral Adnan Özbal və Vali Erol Karaöməroğlu izləyiblər. Admiral Özbal sınaqdan sonra verdiyi açıqlamada Milli məhsulumuz “Atmaca” dosta güvən,, düşmənə qorxu verəcək deyib.