Hakan Fidan İraqda bu gün də bir sıra görüşlər keçirəcək

Xarici işlər naziri Hakan Fidan İraqa səfərinin son günündə İraq Kürd Regional Rəhbərliyinin (İKRG) sədri Neçirvan Bərzani ilə görüşüb.

Nazir Fidan İraqa 3 günlük səfərinin son günündə Ərbildə danışıqlar aparır.

Fidan İraq Kürd Regional Rəhbərliyi sədri Neçirvan Bərzani ilə görüşüb.

Xarici işlər naziri həmçinin İraq Kürd Regional Rəhbərliyinin  Baş naziri Mesrur ​​Bərzani və KDP (Kürdüstan Demokratik Partiyası) sədri Məsud Bərzani ilə də görüşəcək.

Mediaya tamamilə qapalı keçirilən görüşlərdə ikitərəfli münasibətlərin inkişafı, əməkdaşlığın təşviqi, iqtisadi tərəfdaşlığın inkişaf etdirilməsi və terrorla birgə mübarizə məsələləri müzakirə olunur.

Nazir H.Fidan 22-24 avqust tarixləri arasında Bağdada etdiyi səfərin ilk günündə İraqın xarici işlər naziri Fuad Hüseynlə görüşüb.

Qeyd edə ki, Hakan Fidan avqustun 23-də İraq prezidenti Əbdüllətif Rəşit və İraqın Baş naziri Məhəmməd Şiya es-Sudani, İraq parlamentinin sədri Məhəmməd Halbusi, Malayziya xarici işlər naziri Zambri Əbdül Kadir, İraq Türkmən Cəbhəsi (İTC) liderləri və İraq Türkmən icmasının liderləri, İraq Suverenlik Alyansının lideri Hamis, Hançer Fəth Alyansının lideri Hadi Amiri, Milli Hikmət Cərəyanının lideri Əmmar əl-Həkim və əvvəlki baş nazirlərdən və Hüquq Dövləti Koalisiyasının lideri Nuri əl-Maliki ilə görüşüb.

Əmmar əl-Həkimin mətbuat xidmətindən verilən yazılı açıqlamada nazir Fidanın Bağdada səfərinin İraq və Türkiye arasındakı münasibətləri dərinləşdirəcəyi bildirilib.