Avropa İttifaqı “TikTok”u istintaqa başladı

  Avropa İttifaqı (Aİ) Komissiyası “TikTok” sosial media platformasının Rəqəmsal Xidmətlər Qanununun (DSA) qaydalarını pozduğunu müəyyən etmək üçün rəsmi araşdırmaya başlayıb.

  Aİ Komissiyasının verdiyi məlumatda yazılır: “TikTok”un uşaqların müdafiəsi, şəffaf reklam, tədqiqatçılar üçün məlumatların əldə edilməsi və platformanın asılılıq yaradan dizaynı və zərərli məzmun riskləri ilə bağlı DSA qaydalarını pozub-pozmadığı qiymətləndiriləcək.

  Rəsmi tədqiqat “TikTok”un 2023-cü ilin sentyabr ayında komissiyaya təqdim etdiyi hesabata və məlumat sorğularına verilən cavablardan sonra aparılan ilkin araşdırmadan sonra başlayıb.

  Həyata keçirilən digər tədbirlərin, xüsusən də “TikTok”un “yetkinlik yaşına çatmayanların uyğun olmayan məzmuna daxil olmasının qarşısını almaq üçün istifadə etdiyi yaş yoxlama sistemi kafi, uyğun və təsirli” deyil.

  İstintaq həmçinin platformanın “yetkinlik yaşına çatmayanların məxfiliyini və təhlükəsizliyini yüksək səviyyədə təmin etmək üçün adekvat və mütənasib tədbirlər görüb-görmədiyi”ni araşdıracaq.

  Platformanın, o cümlədən alqoritmlərin asılılıq yaradan dizaynının uşaq hüquqlarının qorunmasına, insanın fiziki və psixi sağlamlığına mənfi təsirləri və radikallaşmaya təsirinə diqqət yetiriləcək.

  Araşdırmanın digər mövzuları arasında sosial media platformasındakı reklamların DSA-ya uyğunluğu və tədqiqatçılara platformanın ictimai məlumatlarına çıxışın təmin edilməsində "şübhəli çatışmazlıqlar" daxildir.

  Qeyd edək ki, 2023-cü ilin avqust ayında qüvvəyə minən Aİ qanunu əsas rəqəmsal platformalara sərt qaydalar gətirib. Aİ qaydaları pozan rəqəmsal platformalar üçün qlobal dövriyyəsinin 6 faizinə qədər cərimə tətbiq edəcək. Təkrar pozuntular halında bu rəqəmsal platformaların Aİ-dəki fəaliyyətinə xitam verəcək.