Saxta peyvənd və test sənədləri ilə keçənlər saxlanıldı

  Kanadanın Toronto Havalımanında ölkəyə saxta peyvənd və yeni tip koronavirus (Covid-19) test sənədləriylə girməyə çalışan 2 nəfər tutuldu.

  Kanada Xalq Sağlığı Agentliyinin rəsmi internet saytından verilən məlumatda bildirilir: “Amerika Birləşmiş Ştatlarından gedən 2 sərnişinin “Covid-19” test və peyvənd sənədlərinin saxta olduğu müəyyən edildi. Kanada vətəndaşı olan bu 2 sərnişinin hər birinə 19.720 Kanada dolları pul cəzası kəsildi”.

  Qeyd edək ki, Kanada 5 iyulda verdiyi qərarla beynəlxalq sərnişinlər üçün yeni tənzimləmələr gətirib. Bu qaydalara görə, ölkəyə gələn hər kəsin “Covid-19” peyvəndlərini etdirdiyinə dair sənəd təqdimetmə məcburiyyəti var. Peyvənd olunmayanlar bir neçə test etməli və 14 gün karantinə alınmazdan əvvəl dövlət tərəfindən təyin edilən oteldə 3 gün qalmalıdırlar.

  Kanada Karantin Qanunu hökmlərini pozanlara 6 ay həbs və ya 750 min dollara qədər pul cəzası var.

  Hökumət tam peyvəndli Amerika vətəndaşlarının 9 avqustdan Kanadaya gəlməsinə icazə verir. Ancaq ABŞ-ın Kanada və Meksika ilə olan sərhədi 21 avqusta qədər xarici ölkə vətəndaşlarına bağlı olacaq.