Fizika üzrə Nobel mükafatı laureatı vəfat etdi

Fizika üzrə Nobel mükafatı laureatı Piter Hiqqs 94 yaşında vəfat edib.

Edinburq Universitetindən verilən bəyanatda deyilir: ''Piter Hiqqs qısa müddət davam edən xəstəlikdən sonra evində vəfat edib”.

Qeyd edək ki, alim 1960-cı illərdə elementar hissəciklərin kütləsini izah edən “Higgs metodu”nun ixtirası ilə məşhurlaşıb.
Bununla bağlı Piter  Hiqqsin 49 il əvvəl irəli sürdüyü nəzəriyyəsi 2012-ci ildə İsveçrənin Cenevrə şəhərindəki Avropa Nüvə Araşdırmaları Mərkəzində (CERN) elm adamları tərəfindən təsdiqlənib.

Xatırladaq ki, Piter Hiqqs 2013-cü ildə fizika üzrə Nobel mükafatına layiq görülüb.