Cokoviç Avstraliyada 5 ildən sonra ilk dəfə məğlub oldu

Tennisdə dünyanın 1 nömrəsi olan Novak Cokoviç Avstraliyada 5 ildən sonra ilk dəfə meydanı məğlubiyyətlə tərk edib.

Birləşmiş Kubokda ev sahibi ölkədən Aleks de Minaurla qarşılaşan 36 yaşlı Cokoviç sağ biləyindən zədə alıb və 6-4 hesablı setlərdə 2-0 hesabı ilə məğlub olub.

Qitədə son məğlubiyyətini 2018-ci ildə Cənubi koreyalı Hyeon Chunga qarşı alan Cokoviç 43 matçdır məğlub olmurdu.

Bu müddət ərzində serb tennisçi 4 Avstraliya Açıq titulunu, 2023 Beynəlxalq Adelaide Turnirini və 2020 ATP Kubokunu qazanıb.