Cozep Borrell: "İsrailin yeni vəsait ayırması özünümüdafiə deyil"
Cozep Borrell bəyan edib ki, İsrailin Fələstin torpaqlarında daha çox qeyri-qanuni yaşayış məskənlərinin tikintisi üçün yeni vəsait ayırması özünümüdafiə deyil.
Avropa İttifaqının Xarici siyasət və təhlükəsizlik məsələləri üzrə ali nümayəndəsi Cozep Borrell bəyan edib ki, İsrailin Fələstin torpaqlarında daha çox qeyri-qanuni yaşayış məskənlərinin tikintisi üçün yeni vəsait ayırması özünümüdafiə deyil.
Aİ-nin Ali Nümayəndəsi Cozep Borrell sosial media hesabında etdiyi paylaşımda belə deyib:
“Müharibənin ortasında (Oktyabrın 7-də başlayan Fələstinin "Həmas" müqavimət hərəkatı ilə) İsrail hökumətinin daha çox qeyri-qanuni yaşayış məskənləri tikmək üçün yeni vəsait ayırmağa hazırlaşdığını öyrənəndə məyus oldum” .
Borrell bunun özünümüdafiə olmadığını və İsraili daha təhlükəsiz etməyəcəyini vurğulayıb:
“Qeyri-qanuni məskunlaşmalar Beynəlxalq İnsan Haqlarının ciddi şəkildə pozulmasıdır və İsrailin ən böyük təhlükəsizlik problemidir".