Olaf Şolts: "Türkiye bizim üçün mühüm tərəfdaşdır"

Almaniya kansleri Olaf Şolts Türkiyenin onlar üçün mühüm tərəfdaş olduğunu bildirib.

Litvanın paytaxtı Vilnüsdə keçirilən NATO sammitindən əvvəl açıqlama verən Şolts son Avropa İttifaqı (Aİ) Liderlər Zirvə toplantısında Türkiye ilə Aİ arasında əlaqələrin daha da inkişaf etdirilməsi ilə bağlı qərarların qəbul edildiyini vurğulayıb.

Münasibətlərin yaxşılaşdırılması üçün Aİ Komissiyasından təkliflər və hesabatlar təqdim etməsini istədiklərini ifadə edən Solts deyib:

"Burada prezident (Rəcəb Tayyib) Ərdoğanla da danışacağam. Türkiye bizim üçün mühüm tərəfdaşdır. Bu, gələcəkdəki münasibətlərdə də ifadə olunacaq". 

Burada prezident Ərdoğanla görüşündə əlaqələrin daha da inkişaf etdirilməsi məsələsinin müzakirə olunacağını bildirən Şolts qeyd edib ki, Avropa Şurası Türkiye ilə əməkdaşlığın bərpası ilə bağlı müvafiq qərarlar qəbul etmək üçün səy göstərir.