Nigeriyada Lassa qızdırması nәticәsindә 102 nәfәr ölüb

Qәrbi Afrika ölkәsi olan Nigeriyada 2023-cü ildә Lassa qızdırmasından dünyasını dәyişәnlәrin sayı 102 nәfәrә çatıb.

Bu barәdә ölkәnin Xәstәliklәrә Nәzarәt Mәrkәzi mәlumat yayıb. Mәlumata görә, yanvar ayından etibarәn Lassa qızdırmasına yoluxanların sayı 676 nәfәrә çatıb. 

Eyni dövrdә 102 adam ölüb. Nigeriya hökumәti xəstəliyin müalicәsi ilә әlaqәdar üç dәrmanın müәyyәn edildiyini açıqlamışdı.

Xatırladaq ki, ölkәdә  keçәn il Lassa qızdırmasından 178 nәfәr ölmüşdü, daha 989 nәfәr virusa yoluxmuşdu.

Qeyd edәk ki, Mali, Toqo, Qana, Liberiya, Sierra Leone kimi ölkәlәrdә yayılan Lassa qızdırması Nigeriyada ilk dәfә 1969-cu ildә ölkәnin Borno әyalәtindә qeydә alınmışdı.

Nigeriya hökumәti 2019-cu ilin 23 yanvar tarixindә Lassa qızdırması sәbәbindәn fövqәladә vәziyyәt elan etmişdi.

Lassa qızdırması heyvandan insana keçir, xəstəlik ölümcül ola bilər.