Ərəb koalisiyası: Husilərin pilotsuz uçuş aparatları məhv edilib
Ərəb koalisiyası İranın dəstəklədiyi husilərin Səudiyyə Ərəbistanının cənubuna göndərdiyi 3 pilotsuz uçuş aparatın vurulduğunu açıqlayıb.
Yəməndəki hökumət qüvvələrinə dəstək verən ərəb koalisiyası İranın dəstəklədiyi husilərin Səudiyyə Ərəbistanının cənubuna göndərdiyi 3 pilotsuz uçan aparatın vurulduğunu açıqlayıb.
Səudiyyə Ərəbistanının rəsmi xəbər agentliyi "SPA"-da dərc olunan koalisiyanın yazılı açıqlamasında Yəmənin paytaxtı Sanadan ölkənin cənubundakı Nəcran bölgəsinə pilotsuz uçuş aparatı (PUA) ilə hücumun təşkil edildiyi bildirilib.
Beynəlxalq Sana Hava Limanından havaya qalxan 3 PUA-nın Səudiyyə Ərəbistanının hava hücumundan müdafiə sistemləri tərəfindən məhv edildiyinə dair məlumatların yer aldığı açıqlamada husilərin mülki şəxslərdən qalxan kimi istifadə etdiyi və PUA-ları havalandırdığı vurğulanıb.
Açıqlamada Yəməndən gələ biləcək təhdidlərə qarşı lazımi tədbirlərin görüləcəyi qeyd edilib.
Ərəb koalisiyası yanvarın 2-də də Səudiyyə Ərəbistanına hücum etmək üçün havaya qalxan 3 PUA-nı vurduğunu açıqlayıb.
Uzun müddətdir siyasi qeyri-sabitliyin hökm sürdüyü Yəməndə husilərlə hökumətə bağlı qüvvələr arasında toqquşmalar gedir.
Husilər 2014-cü ilin sentyabrından paytaxt Sananı və bəzi bölgələri nəzarətdə saxlasa da, Səudiyyə Ərəbistanının rəhbərlik etdiyi koalisiya qüvvələri 2015-ci ilin mart ayından husilərə qarşı Yəmən hökumətinə dəstək verir.
Әlaqәli Xәbәrlәr
Beynəlxalq Cinayət Məhkəməsi Netanyahu və bu adamların həbsini istədi
Beynəlxalq Cinayət Məhkəməsindən verilən yazılı açıqlamaya görə ...
Şahzadə atasına görə səfərini təxirə saldı
Səudiyyə Ərəbistanı Kral Divanından verilən məlumata görə ...