Tereza Mey vә Castin Trudo Camal Xaşoqçi mәsәlәsini müzakirә ediblәr

İngiltәrә Baş naziri Tereza Mey vә Kanada Baş naziri Castin Trudo sәudiyyәli jurnalist Camal Xaşoqçini cinayәtinә görә mәsuliyyәt daşıyanların mәhkәmә qarşısında cavab vermәlәsinin әhәmiyyәtini vurğulayıblar.

İngiltәrә Nazirlәr Kabinetinin mәtbuat xidmәtindәn verilәn mәlumata әsasәn,  Tereza Mey ilә Castin Trudonun dünәn keçirdiyi telefon danışığında sәudiyyәli jurnalist Camal Xaşoqçinin Sәudiyyә Әrәbistanının İstanbuldakı Baş Konsulluğunda öldürülmәsi mәsәlәsini müzakirә ediblәr.

Tәrәflәr Camal Xaşoqçi cinayәtinә görә mәsuliyyәt daşıyanların mәhkәmә qarşısında cavab vermәlәrinin әhәmiyyәtini  qeyd ediblәr.

Mәlumata görә,  Tereza Mey vә Castin Trudo beynәlxalq ictimaiyyәtin  Sәudiyyә Әrәbistanını inandırıcı vә şәffaf istintaq aparması üçün tәşviq etmәyә davam etmәsinin vacibliyini vurğulayıblar.

‘‘Washington Post’’ qәzetinin müxbiri Camal Xaşoqçi 2018-ci ilin 2 oktyabr tarixindә Sәudiyyә Әrәbistanının İstanbuldakı Baş Konsulluq binasına daxil olduqdan sonra itkin düşmüşdü.

İstanbul Baş Prokurorluğunun verdiyi açıqlamada Camal Xaşoqcinin konsulluğa girər-girməz boğularaq öldürüldüyünü və cəsədinin parçalanaraq ortadan qaldırıldığını bildirib.