Թուրքական Մամուլ

Վաթան․ «Նախագահ Էրդողանը հեռախոսազրույց է ունեցել Քաթարի ամիրի հետ»

Նախագահ Ռեջեփ Թայիփ Էրդողանը հեռախոսազրույց է ունեցել Քաթարի էմիր Ալ Թանիի հետ։ Հեռախոսազրույցում քննարկվել են Թուրքիա-Քաթար հարաբերությունները, գլոբալ ու տարածաշրջանային խնդիրները, Իսրայելի հարձակումները Գազայի վրա։

Հյուրրիյեթ․ «Նախարար Ֆիդանը հեռախոսազրույց է ունեցել Գուտերեշի հետ»

Արտաքին գործերի նախարար Հաքան Ֆիդանը երեկ հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Հեռախոսազրույցում գնահատվել են տարածաշրջանի վերջին զարգացումները, Գազայում տիրող իրավիճակը, Կիպրոսի հարցը և Սև ծովում նավարկության անվտանգությունը։

Յենի Շաֆակ․ «Երբ Իրան-Իսրայել ճգնաժամը սկսվեց, նա թակեց Քալընի դուռը»

Ազգային հետախուզական կազմակերպության նախագահ Իբրահիմ Քալընը մտքեր է փոխանակել ԿՀՎ տնօրեն Ուիլյամ Բերնսի հետ Գազայում հրադադարի շուրջ բանակցությունների վերաբերյալ։   Բըրնսը զանգահարեց Կալինին Բայրամի ժամանակ և խնդրեց նրան միջնորդ լինել Իսրայելի վրա Իրանի հարձակման մեղադրանքների առնչությամբ։ Այնուհետև Ազգային հետախուզական կազմակերպության նախագահ Քալընը հեռախոսով զրուցել է ՀԱՄԱՍ-ի քաղաքական բյուրոյի ղեկավար Հենիյեի հետ։ Հեռախոսազրույցում քննարկվել են հրադադարի բանակցությունների, Գազայի բնակիչների տներ վերադարձի, տարածաշրջան հումանիտար օգնության առաքման, փոխանակման հետ կապված հարցեր։