ԱՄԷ-ում վերջին 75 տարվա ամենաբարձր տեղումներն են իրականացել

ԱՄԷ-ի WAM լրատվական գործակալության փոխանցմամբ՝ Ազգային օդերեւութաբանական կենտրոնը հայտարարություն է տարածել տարբեր շրջաններում շարունակվող հորդառատ անձրեւների մասին, որոնք պատճառ են դարձել թռիչքների հետաձգման եւ հեռավար կրթության ու աշխատանքի մեթոդի անցման։

Հայտարարության մեջ ասվում է. «Տարբեր շրջաններում նորագույն պատմության մեջ ամենաբարձր տեղումները գրանցվել են վերջին 24 ժամվա ընթացքում: Ամենաբարձր քանակությունը գրանցվել է 1949 թվականից ի վեր, երբ սկսեցին հավաքագրվել կլիմայական տվյալները»:

Նշվել է, որ ամենաշատ տեղումները գրանցվել են Ալ Այն քաղաքի Հաթմ ալ-Շիկլե շրջանում՝ 24 ժամից պակաս ժամանակում հասնելով 254,8 միլիմետրի։

Հաղորդվել է, որ մինչև երեկ երեկոյան երկրի պատմության մեջ որպես «արտառոց իրադարձություն» գրանցված տեղումների քանակի աճ է սպասվում։

ԱՄԷ-ի Իսլամական հարցերով վարչությունը կոչ է արել աղոթել տանը՝ տեղատարափից տուժած շրջաններում։

Etihad ավիաուղիները հայտարարել է, որ մայրաքաղաք Աբու Դաբիում վատ եղանակի պատճառով թռիչքների հետաձգումներ են սպասվում։

ԱՄԷ-ի Արտակարգ իրավիճակների, ճգնաժամերի և աղետների կառավարման ազգային կոմիտեն կոչ է արել «տնից դուրս չգալ, եթե անհրաժեշտություն չկա» տեղումներից տուժած շրջաններում։