Սթոլթենբերգ․ Ուկրաինային ավելի մեծ աջակցություն է սպասվում
ՆԱՏՕ-ի գլխավոր քարտուղար Յենս Սթոլթենբերգն ընդգծել է զենքի մատակարարումների արագացման կարևորությունը և ասել, որ Ուկրաինային ավելի մեծ աջակցություն է սպասվում։
Յենս Սթոլթենբերգը Ուկրաինայի նախագահ Վլադիմիր Զելենսկու հետ մայրաքաղաք Կիևում կայացած համատեղ մամուլի ասուլիսում նշել է, որ ռազմական օգնության հետաձգումը «լուրջ հետևանքներ է ունենում» մարտի դաշտում։
Գլխավոր քարտուղարն ասել է. «ԱՄՆ-ը ամիսներ շարունակ չէր կարողանում համաձայնության գալ փաթեթի շուրջ, եվրոպացի դաշնակիցները նույնպես չկարողացան զինամթերք տրամադրել մեր խոստացած մասշտաբով»:
Հայտարարելով, որ ցանկացած ռազմական օգնություն, որը ուշ է հասնում, նշանակում է Ռուսաստանի առաջխաղացում առաջնագծում Սթոլթենբերգն ասել է․ «Սակայն ուշ չէ, որ Ուկրաինան հաղթի: Ավելի մեծ աջակցություն ճանապարհին է»։
Սթոլթենբերգն ընդգծել է զենքի մատակարարումների արագացման կարևորությունը և ասել. «Մենք պետք է գիտակցենք, որ երբ մենք հետաձգում ենք մատակարարումը, դա կյանքի և մահվան խնդիր է»։
Նշելով, որ դաշնակից երկրները համաձայնել են մեծացնել Ուկրաինային ռազմական աջակցությունը, Յենս Սթոլթենբերգը հավելել է, որ ողջունում է Մեծ Բրիտանիայի, Գերմանիայի և Նիդեռլանդների նոր պարտավորությունները, ինչպես նաև ԱՄՆ-ի ավելի քան 60 միլիարդ դոլարի օգնության փաթեթը, և որ «ակնկալում է նոր. հայտարարություններ կլինեն շուտով», այլ դաշնակից երկրներից։
Նշելով, որ «Ուկրաինայի տեղը ՆԱՏՕ-ում է», Սթոլթենբերգն ասել է. «Այն աշխատանքը, որը մենք ներկայումս իրականացնում ենք, ձեզ դնում է ՆԱՏՕ-ին անդամակցելու անշրջելի ճանապարհի վրա, որպեսզի, երբ ժամանակը գա, Ուկրաինան անմիջապես դառնա ՆԱՏՕ-ի անդամ»:
