ایککی تورک عسکری شهید بولدی

عراق نینگ شمالیده دوام ایتیاتگن پنجه – چقماق عملیاتی منطقه سیده یره لنگن ایککی تورک عسکری شهید بولدی. 

تورکیه جمهوریتی ملی مدافعه وزیرلیگی تامانیدن اوشبو توغریده بیانات بیریلدی. 

بیاناتده, "عراق نینگ شمالیده پنجه- چقماق عملیاتی دایره سیده, 28- اپریلده اویوشتیریلگن هجوم عاقبتیده یره له نیب کسلخانه گه انتقال ایتتیریلگن بیر قهرمان حربی میز برچه سعی و حرکت لر گه قره مسدن 2021- ییل 30- اپریل کونی شهید بولدی.

پنجه- چقماق عملیاتی دایره سیده اکمالات فعالیت لری جریانیده, 2021- ییل 30- اپریل کونی هلیکوپتردن دیسانت ایتیلیاتگن پیتده بیر قهرمان عسکری میز یره له نیشی آرتیدن زودلیک بیلن کسلخانه گه انتقال ایتتیریلرایکن, برچه سعی و حرکت لر گه قره مسدن 2021- ییل 30- اپریل کونی شهید بولدی"  دییه قید ایتیلدی.