عراقده اونلب داعش ترورچیسی اولدیریلدی

عراق اردوسی, موصل نینگ تاغلیق منطقه لریده ترور تشکیلاتی داعش گه قرشی اویوشتیریلگن عملیات لرده 27 نفر ترورچی نینگ اولدیریلگن لیگی نی معلوم قیلدی. 

عراق قوراللی کوچلری نینگ سوزچیسی جنرال یحی رسول, بیرگن یازمه بیاناتیده, اردو نینگ شمالده جایلشگن موصل نینگ مخمور تاغ لری منطقه سیده 14 کون دوام ایتگن عملیات اویوشتیرگن لیگی نی بیلدیردی. 

رسول, عملیاتده 27 نفر ترورچی نینگ اولدیریلگن لیگی نینگ انیقلنگن لیگی نی معلوم قیلدی.

ترور تشکیلاتی داعش, 2014- ییل جون آییده عراق نینگ موصل, صلاح الدین و الانبار ولایت لری نینگ همه سی, دیاله و کرکوک ولایت لری نینگ ایسه معلوم بیر قسمی نی قولگه کیریترایکن, اوشبو منطقه لر کیین داعش دن قیتریب آلینگن ایدی. 

عراق نینگ داعش دن تصفیه ایتیلگن لیگی گه 3 ییلدن آرتیق بیر مدت بولگن لیگی گه قره می, ترور تشکیلاتی داعش اوشبو ولایت لرنینگ چیککه حدود لریده هجوملری نی دوام ایتتیرماقده.