سوریه ده مسکونی منطقه گه تروریستیک هجوم اویوشتیریلدی

سوریه ده بولووچی ترور تشکیلاتی وای پی جی/پی کاکا تامانیدن الباب تومنی گه اویوشتیرگن هاوان توپی آرقه لی اویوشتیرگن هجوم عاقبتیده بیر نفر تینچ اهالی اولدی، بیر نفر تینچ اهالی یره لندی.

وای پی جی/ پی کاکا منسوبی تروریست جنگریلر تورکیه بیلن روسیه اورته سیده 2019 – ییل 22 اکتوبرده بولیب اوتگن کیلیشووگه بناً منبج تومنینی ترک ایتیب چیقیشی کیره ک ایدی بیراق تروریستلر بو جای نی تروریستیک مرکز اوله راق ایش آلیش گه دوام ایتماقده.

بولووچی ترور تشکیلاتی اشغال قیلیب تورگن منبج دن تورک قوراللی کوچلری تامانیدن آلیب باریلگن فرات قلقانی عملیاتی منطقه سیده گی الباب نینگ شرقیده جایلشگن عم عدسه و سُکریه قیشلاقلریگه هاوان توپلری آرقه لی هجوم اویوشتیردی.

بو هجوم عاقبتیده عدسه ده بیر نفر تینچ اهالی اولدی، بیر نفر تینچ اهالی یره لندی.

ترور تشکیلاتی وای پی جی / پی کاکا تامانیدن 8 فبروریده الباب نینگ مرکزی گه اویوشتیریلگن هجوم عاقبتیده 3 ته باله بیلن بیر قطارده 9 نفر تینچ اهالی یره لنگندی.