عراقده سوو تاشقینی کوپلب کیشی نینگ اولیمی گه سبب بولدی

عراقده یامغیر نینگ انچه یاغگن لیگی باعث باشله گن سوو تاشقینیده 4 کیشی حیاتینی یوقاتدی. اوشبو سبب بیلن 8 شهرده رسمی رخصتی اعلان قیلیندی. 

عراق نینگ شمالیده 2 کوندن بیری ققشتگیچ یامغیر لر انسان لرنینگ حیاتی گه منفی تاثیر قالدیریش گه دوام ایتماقده. 

بغداد, اربیل, دهوک, کرکوک, موصل, واسط, انبار و دیالی ده هوا وضعیتی نینگ یمان ایکن لیگی باعث رسمی رخصتی اعلان قیلیندی.

والی لیک لر تامانیدن بیریلگن بیاناتده, رخصتی نینگ بلدیه اداره لری و خوفسیزلیک کوچلرینی قمره مه گن لیگی معلوم قیلیندی. 

سوو تاشقینی دن تاثیرلنگن دهوک شهریده حیاتینی یوقاتگن لرنینگ سانی 2 کیشی دن 4 نفر گه کوتریلگن لیگی بیلدیریلدی.

دهوک ملکی مدافعه آمرلیگی سوزچیسی دگروال دیوار عبدالعزیز بیرگن بیاناتیده, سوو تاشقینی باعث یره لنگن بیر کیشی نینگ کسلخانه ده حیاتینی یوقاتگن لیگی, 15 یاشلی بیر باله نینگ ایسه برق آلیب اولگن لیگی معلوم قیلیندی. 

عراق نینگ جنوبیده هم ققشتگیچ یامغیر لرنینگ دوام ایتیاتگن لیگی بیلدیریلدی.