هیدرو الکتریک سنترالیده گی حادثه ده اولگنلر سانی 6 گه ییتدی

ایتالیاده سوویانا کولیده گی بارگی هیدرو الکتریک سنترالیده 9 اپریل کونی یوزبیرگن پارتلش عاقبتیده اولگنلر سانی 6 گه ییتدی.

توسکانا و ایمیلیا روماگنا منطقه لری اورته سیده جایلشگن اپنین تاغلری ساحه سیده گی سوویانا کولیده انرژی شرکتی اینیل گه باغلیق بارگی هیدرو الکتریک سنترالیده یوزبیرگن پارتلشده اولگنلر سانی کوپه یدی.

ایتالیانینگ راینیوز24 کانالی بیرگن خبرگه کوره، سنترال نینگ سوونینگ آستیده قالگن بولیمیدن عبارت منفی 9 – قواتده و کول نینگ ایچیده قیدیروو و قوتقروو اورونیشلری آلیب بارگن تیملرنینگ لادرک بولگن 4 کیشیدن 3 ته سی نینگ جسدینی تاپیب آلگن لیگی شونده ی بولیب فاجعه ده اولگنلر سانی نینگ 6 گه ییتگن لیگی بیلدیریلدی.

لادرک سونگگی کیشی اوچون قیدیروو و قوتقروو اورونیشلری نینگ دوام ایتیب تورگن لیگی معلوم قیلیندی.

سنترال نینگ باشقرووی قولیده بولگن اینیل شرکتی نینگ حیاتینی یوقاتگنلرنینگ عایله لریگه و یره لنگنلرگه روانی یاردم بیریش گه باشله گن لیگی قید ایتیلدی.

شونده ی بولیب اولکه ده گی ایش حادثه لری طفیلی یوزبیرگن اولیملر باعث توناون کونی ایش تشلش آرقه لی ناراضلیک بیلدیریلدی. عیندمده بارگی هیدرو الکتریک سنترالیده یوزبیرگن پارتلشده اولگن 6 کیشی اوچون بولونیا شهریده مظاهره قیلیندی.

اولکه نینگ بویوک تعاونی صندوقلریدن بولمیش ایتالیا ایش جمغرمه سی بیلن ایتالیا ایشچی بیرلیگی تامانیدن اویوشتیریلگن مظاهره ده ایشچیلر "ایندی بس" یازیلگن شعارلر کوتردی.

جمغرمه وکیللری اولگنلرنی پیمانکار ایشچیلری ایکن لیگینی ادعا ایترکن اینیل شرکتی بونی قبول ایتمه دی.