بایدن امریکا ده سونگّی عصر نینگ اینگ یمان اورمان یانغینی نینگ یوز بیرگن لیگینی بیلدیردی
جو بایدن ویسکانسین نینگ میلواکی شهریده صحبت قیلدی
امریکا قوشمه ایالتلری دولت رهبری جو بایدن, هاوایی ده گی اورمان یانغین لری نینگ, اولکه سیده سونگّی 100 ییل نینگ اینگ یمان اورمان یانغینی دن عبارت بولگن لیگینی بیلدیررایکن, حتی الامکان یقین کیله جکده اوشبو ایالت گه سفر قیله دیگن لیگینی معلوم قیلدی.
ویسکانسین نینگ میلواکی شهریده صحبت قیلگن بایدن, هاوایی ده گی اورمان یانغین لری نینگ امریکا قوشمه ایالتلریده "بیر عصر مابینیده یوز بیرگن اینگ یمان اورمان یانغینی" ایکن لیگینی معلوم قیلرایکن, سبب بولگن جانی و مالی خسارت گه دقت قره تدی.
"عیالیم جیل بیلن حتی الامکان اینگ یقین کیله جکده هاوایی گه سفر قیله میز" دییه قید ایتگن بایدن, ایالت والیسی بیلن اوشبو توغریده سوزلشگن لیگینی بیلدیردی.
یانغین لر سببلی اوی لرینی ترک ایتیش گه مجبور بولیب قالگن کیشی لر اوچون بیر دفعه گه مخصوص بوله دیگن شکلده هر عایله گه 700 دالر توله نه دیگن لیگینی بیلدیرگن بایدن, عاجل وضعیت باشقروی آژانسی نینگ حادثه دن تاثیرلنگن کیشی لر اوچون قیلگن فعالیت لریدن هم بحث ایتدی.
