ایرانده ایسسیق لیک ایللیک درجه گه کوتریلیب کیتدی

ایران نینگ سیستان بلوچستان ولایتی نینگ زهک و هیرمند شهر لری (توناون) 50 درجه بیلن اوشبو اولکه نینگ اینگ ایسسیق منطقه لری گه اَیلندی. 

ایران رسمی خبر آژانسی ایرنا, سیستان بلوچستان هواشناسلیک اداره سی باشلیغی محسن حیدری نینگ منطقه ده گی ایسسیق لیک بیلن علاقه لی بیانات بیرگن لیگینی بیلدیردی. 

اوشبو خبر گه کوره, حیدری, زهک و هیرمند شهر لری نینگ 50 درجه لیک ایسسیق لیک بیلن ایران نینگ اینگ ایسسیق منطقه لری گه ایلنگن لیگینی معلوم قیلدی.

ولایت نینگ مرکزی بولگن زاهدان شهریده ایسه ایسسیق لیک نینگ 42 درجه ایکن لیگینی بیلدیرگن حیدری, دوشنبه کونی دن باشلب شمال نینگ آرتیشی بیلن ایسسیق لیک درجه سی نینگ توشه دیگن لیگینی بیلدیردی. 

حیدری, اوشبو ولایت ده شمال تیزلیگی نینگ آرتیشی بیلن چنگ میزانی نینگ هم آرته دیگن لیگینی بیلدیررایکن, خلق نی ضرورت بولمه گن تقدیرده تشقری گه چیقمس لیککه چقیردی. 

سیستان بلوچستان ولایتی بحران نی باشقریش اداره سی باشلیغی مجید محبی هم سونگّی کونلرده ولایت نینگ زابل, زهک, هامون, هیرمند و نیمروز شهر لریده طوفان بیلن انتقال ایتدیریلگن چنگ سببلی بیر مینگ دن آرتیق کیشی نینگ کسلخانه گه آلیب باریلگن لیگی و بیر کیشی نینگ حیاتینی یوقاتگن لیگینی بیلدیردی.