فرانسه پایتختی پاریسده قتتیق پارتلش یوز بیردی

فرانسه پایتختی پاریس نینگ 5- منطقه سیده بیر بناده یوز بیرگن پارتلش عاقبتیده یره لنگن لر سانی 37 نفر گه ییتدی. 

فرانسه ایچکی ایش لر وزیری گیرالد دارمانین, 4 نفری آغیر 37 کیشی نینگ یره لنگن لیگینی بیلدیررایکن, آغیر یره لنگن لرنینگ ساغلیق وضعیتی نینگ جوده یمان ایکن لیگینی معلوم قیلدی. 

ایکّی کیشی نینگ لادرک یوقالگن لیگینی معلوم قیلگن دارمانین, پارتلش آلدی دن هیچ قنده ی بیر هشدار بیریلمه گن لیگی و انفجار نینگ سببی نینگ انیقلنمه گن لیگینی بیلدیردی. 

فرانسه جمهوررئیسی امانوئل مکرون, تویتر آرقه لی بیرگن بیاناتیده, یره لنگن و لادرک یوقالگن کیشی لر حقیده اویله یاتگن لیگی گه دقت قره تدی. 

پاریس نینگ 5- منطقه سی بلدیه باشلیغی نینگ اورینباسری ادوارد سیول, تویتر آرقه لی بیرگن بیاناتیده, وال دو گراس محله سیده گاز نینگ پارتلش گه سبب بولگن لیگینی بیلدیرگن ایدی. 

پاریس قاره لاوچیلیگی ایسه اوشبو پارتلش نینگ سببی نینگ انیقلنمه گن لیگی نی معلوم قیلگن ایدی. 

پارتلش آرتیدن یانغین یوز بیرگن لیگی و اطفائیه نینگ یانغین نینگ یانده گی بنا گه اوتیشی نینگ آلدی نی آلگن لیگینی معلوم قیلگن پاریس امنیه قوماندانی لورینت نونیز, پارتلش دن تاثیرلنگن لیگی سببلی بنا یشاوچی لری نینگ تشقری گه چقیریلگن لیگینی بیلدیرگن ایدی. 

پاریس جمهوریت قاره لاوچیلیگی اوشبو حادثه بیلن علاقه لی تیرگاو باشله تیلگن لیگی نی معلوم قیلگن ایدی.