آذربایجان نینگ سابق جمهوررئیسی وفات ایتدی
سابق جمهوررئیس معلوم بیر مدت دن بیری کسلخانه ده تداوی ایتیلماقده ایدی
آذربایجان نینگ سویت اتفاقی دن اجره لیب مستقل لیگی نی اعلان ایتیشی آرتیدن بیرینچی جمهوررئیس بولگن ایاز مطلب اف, 84 یاشده وفات ایتدی.
باکوده دنیا گه کیلگن مطلب اف, میلادی 1989- ییلده, آذربایجان سویت سوسیالیست جمهوریتی وزیرلر کینگشی باشلیغی ایتیب تعینلندی. آذربایجان نینگ سویت اتفاقی دن اجره لیب مستقل لیگی نی اعلان ایتیشی آرتیدن هم اوشبو اولکه نی باشقریش گه دوام ایتگن ایدی.
ایاز مطلب اف, میلادی 1991- ییل 8- سپتامبرده بولیب اوتگن سیلاو نتیجه سیده آذربایجان نینگ بیرینچی جمهوررئیسی ایتیب سیلنگن ایدی. میلادی 1992- ییل 6- مارچ کونی وظیفه سی نی ترک ایتگن مطلب اف, روسیه گه کیتگن ایدی.
میلادی 2012- ییل گه قدر روسیه ده قالگن مطلب اف اولکه سی گه قیتیب کیلرایکن, سیاست بیلن شغللنمه یدیگن لیگی نی بیلدیرگن ایدی.
مطلب اف, معلوم بیر مدت دن بیری کسلخانه ده تداوی ایتیلماقده ایدی.
