تورکیه ده ایشلب چیقاریلگن تورکوواک واکسینی تزریق ایتیله باشلندی
اوشبو توغریده توناون تورکیه جمهوریتی ساغلیق نی سقلش وزیری بیانات بیرگن ایدی
تورکیه ده تورکیه نینگ اوزی تامانیدن ایشلب چیقاریلگن ینگی تور کرونا ویروس (کووید 19) واکسینی تورکوواک شهر کسلخانه لریده تزریق ایتیله باشلندی.
اوشبو واکسین انقره شهر کسلخانه سیده تطبیق ایتیلماقده.
بوگون ایرته لبکی پیتدن باشلب انقره شهر کسلخانه سیده 10 اتاقده تورکوواک واکسینی تزریق ایتیله باشلندی. ایمله نیش اوچون کیلگن کیشی لر سانی نینگ آرتیب کیتیشی تقدیرده اوشبو اتاق لر سانی نینگ هم آرتیریلیشی نینگ ممکن ایکن لیگی بیلدیریلماقده.
تورکوواک واکسینی نی قیلدیرگن غازی قوچ, ایککی دوز بایونتیک واکسینی بولگن لیگی و اوچینچی دوز بیلن ایمله نیش اوچون تورکوواک نی کوتیب تورگن لیگی نی معلوم قیلدی.
قوچ, "توناون ساغلیق نی سقلش وزیری میز فخرالدین کوجه هم تورکوواک واکسینی نی قیلدیردی. مین هم تورک استاد لری میز گه ایشانیب اوز واکسینی میزنی ترجیح ایتدیم" دییه قید ایتدی.
آلدین اوچ دوز ساینوواک واکسینی قیلدیرگن فاتح توپال اوغلی ایسه, "تورتینچی دوز اوچون اوز واکسینی میز تورکوواک نی کوتیب توردیم و ایملندیم. همه گه ایمله نیش نی توصیه ایته من" دییه قید ایتدی.
تورکیه جمهوریتی ساغلیق نی سقلش وزیری فخرالدین کوجه توناون بیرگن بیاناتیده, تورکوواک نینگ بوگون دن باشلب شهر کسلخانه لریده تطبیق ایتیله باشله یدیگن لیگی نی بیلدیرگن ایدی.
علاقه لی ینگی لیکلر
هیدرو الکتریک سنترالیده گی حادثه ده اولگنلر سانی 6 گه ییتدی
ایتالیاده سوویانا کولیده گی بارگی هیدرو الکتریک سنترالیده پارتلش یوزبیرگندی
