پاکستان تشقی ایشلر وزیری قریشی: افغانستانلیکلرنینگ پاکستان گه قاچیب کیلیشیدن خواطرده میز

پاکستان تشقی ایشلر وزیری شاه محمود قریشی، افغانستانده تاباره کوپه ییب بارگن خشونتدن خواطرده ایکن لیکلرینی اورغولب بوندن آرتیق خشونت نینگ افغانستانلیکلرنینگ پاکستانگه کوچ قیلیب کیلیشی گه سبب بولیشیدن تشویشده ایکن لیکلرینی ایتدی.

قریشی قیلگن صحبتیده اولکه سی نینگ بوندن آلدینگی توقنه شوولر سبب میلیونلب افغانستانلیک که میزبانلیک قیلگن لیگینی ایسله تیب اوتگن قریشی بوندن آرتیق قاچقین قبول قیلیش ظرفیتلری بولمه گن لیگینی تیلگه آلدی.

قریشی پاکستان نینگ افغانستانده تینچلیک نینگ تامین ایتیلیشی اوچون دیپلوماتیک اورونیشلرگه دوام ایته جگینی و اولکه نینگ دموکراتیک یول آرقه لی سیلنگن حکومتینی ممنونیت بیلن کوتیب آله جگینی افاده ایتیب افغانستانده تامین ایتیله دیگن تینچلیک نینگ اولکه سی نینگ منفعتیده ایکن لیگینی قید ایتدی.

افغانستان توپراقلری نینگ کتته قسمیده خوفسیزلیک کوچلری بیلن طالبان جنگریلری اورته سیده توقنه شوو دوام ایتیب بارماقده.

افغانستان مدافعه وزیرلیگی اولکه مقیاسیده گی 15 ولایتده طالبانگه قرشی عملیات آلیب باریلگن لیگینی بیلدیردی.

طالبان سونگگی 2 آیده 40 دن آرتیق تومن نینگ کنترولینی قولگه کیریتیب آلدی.

بیرلشگن ملتلر تشکیلاتی راپوریگه کوره طالبان گروهی شهر مرکزلریدن تشقری اولکه توپراقلری نینگ 50-70 فایزی نینگ کنترولینی قولگه آلیب تورگن وضعیتده.