ایران ده اوچ نفر استخبارات عسکری اولدیریلدی

ایران نینگ سیستان بلوچستان ولایتیده 3 نفر استخبارات عسکری نینگ اولدیریلگن لیگی بیلدیریلدی.

اوشبو توغریده ایران استخبارات وزیرلیگی تامانیدن یازمه بیانات بیریلدی. 

بیاناتده, "سیستان بلوچستان ولایتیده گی بیر جنایت شبکه سی نینگ تعقیبی جریانیده 3 نفر استخبارات عسکری حیاتی نی یوقاتدی" دییه قید ایتیلدی. 

بیاناتده اوشبو جنایت شبکه سی توغریسیده ایسه معلومات بیریلمه دی. 

ایران ده ترور تشکیلاتی اوله راق تن آلینگن "جیش العدل", ایران نینگ جنوبشرقی ده گی پاکستان چیگره سیده اورین آلگن سیستان بلوچستان ولایتی ده ایریم پیت لرده قوراللی هجوم اویوشتیریب کیلماقده.